Tokian tokiko mugimenduan eragin

Taupa Euskaltzaleen Mugimenduaren oinarrian tokian tokiko mugimenduak daude. Hainbat eta hainbat Euskara Elkarte dira mugimenduaren funtsa, argi dugulako euskararen erabileran aurrerapausoak emateko tokian tokiko errealitatean eragitea ezinbestekoa dela. Euskara modu erosoan eta librean erabiltzeko guneak eta uneak sortu nahi ditugu; hauek herritarrok biltzen garen espazioak izan behar dira. Eta hori tokian toki gertatzen da.

Atal honetan tokian toki eragiteko Taupak proposatzen dituen bideak aurki daitezke, Euskara Elkarte bat sortzeaz gain, tokian toki eragiteko modu gehiago dagoelako.