Herriz herri eta eskualdez eskualde antolatutako mugimendua da euskaltzaleena. Euskara elkarteak, euskara taldeak, euskaltzaleen topaguneak, euskarazko gertuko hedabideak… Forma ugari hartzen ditu mugimenduak tokian tokiko antolakuntzatan, baina izenetik harantzago, izanak batzen du mugimendua, eginkizunak eta helburuek.

Euskaltzaleen Topagunearen bazkideen zerrenda aurkitu ahal izango duzu orrialde honetan. Mugimenduaren eragin esparrua Euskal Herri osoa da, hizkuntza komunitatea bizirik dagoen eremu guztietara heltzea baitu helburu Topaguneak. Hala ere, tokian tokiko euskaltzaleen elkarte bazkideen mapa ez da eskualde guztietara heltzen. Mugimendu honen helburua da euskaltzaleen sare antolatua dagoen guneak indartzea, eta komunitate antolaturik ez dagoen eremuetan elkarte berriak sortzeko lan egitea.